Ես Հայ Եմ - Սիամանթո - Ափ մը մոխիր, հայրենի տուն...
Мини-чат
200
Наш опрос
Որ տարիքային խմբին եք պատկանում
Всего ответов: 520
Статистика

Կայքում են: 0
Հյուրեր: 0
Օգտագործողներ: 0
Форма входа
Գլխավոր » Գրադարան » Պոեզիա » Սիամանթո » Ափ մը մոխիր, հայրենի տուն..


Սիամանթո - Ափ մը մոխիր, հայրենի տուն..



Ա
Ավա՜ղ, սպարանքի մը պես մեծ էիր և շքեղ,
ՈՒ ես` երդիքներուդ սպիտակ կատարեն,
Աստղածորան գիշերներու լույսին հետ,
Վարեն, ահեղավազ Եփրատին կ'ունկնդրեի...:
Բ
Արցունքո՜վ, արցունքո՜վ լսեցի որ ավերակ առ ավերակ
Քու լայնանիստ պատերդ իրարու վրա կործանեցին,
Սարսափի օր մը, կոտորածի օր մը, օր մը արյունի...
Զքեզ եզերող պարտեզիդ ծաղկըներուն վրա:
Գ
ՈՒ մոխրացա՜վ այն սենյակը կապույտ,
Որուն որմերուն ետև և գորգերուն վրա
Իմ երջանիկ մանկությունս կը հրճվեր,
Եվ կյանքս կ'աճեր և հոգիս իր տևերը կ'առներ...
Դ
Փշրեցա՞վ, ուրեմն, այն հայելին ոսկեծիր,
Որուն եթերային խորությանը մեջ,
Երազներս, հույսերս, սերերս և կամքս կարմիր,
Տարիներով, մտածումիս հետ, ցոլացին...:
Ե
ՈՒ բակին մեջ երգող աղբյուրը մեռա՞վ,
ՈՒ կոտրտեցա՞ն պարտեզիս ուռին և թթենին.
Եվ այն առվակը որ ծառերուն մեջեն կը հոսեր,
Ցամքեցա՞վ, ըսե', ո՞ւր է, ցամքեցա՞վ, ցամքեցա՞վ...
Զ
Օ', այն վանդակին կ'երազեմ հաճախ,
Որուն մեջ գորշագույն կաքավս, առավոտուն,
Արևածագին հետ և վարդի թուփերուն դիմաց,
Զարթնումի ժամուս` հստակորեն կը կարգճեր...:
Է
Հայրենի՜ տուն, հավատա' որ մահես հետո,
Քու ավերակներուդ սևին վրա իմ հոգիս
Պիտի գա, որպես տատրակ մը տարագիր,
Իր դժբախտի երգն և արցունքը լալու...:
Ը
Բայց ո՜վ պիտի բերե, ո՜վ պիտի բերե, ըսե,
Քու սրբազան մոխիրեդ ափ մը մոխիր,
Մահվանս օրը, իմ տրտում դագաղիս մեջ,
Հայրենիքս երգողի իմ աճյունին խառնելու...
Թ
Ափ մը մոխի՜ր աճյունիս հետ, Հայրենի տուն,
Ափ մը մոխի՜ր քու մոխիրեդ, ո՜վ պիտի բերե,
Քու հիշատակե'դ, քու ցավե'դ, քու անցյալե'դ,
Ափ մը մոխիր... իմ սրտիս վրան ցանելու...:




Կարդալ նաև`
Այլ հեղինակներ`
Երեքշաբթի, 29.07.2014, 04:31
Приветствую Вас Гость
Поиск
Календарь
«  Հուլիս 2014  »
ԵրկԵրքՉրքՀնգՈւրբՇաբԿիր
 123456
78910111213
14151617181920
21222324252627
28293031